ရှမ်းပြည်နယ်(တောင်ပိုင်း)၊ တောင်ကြီးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ကလေးငယ်များ ကာယ၊ ဉာဏစွမ်းရည်ပိုမိုကောင်းမွန်လာစေရန်ရည်ရွယ်၍ လူထုအခြေပြုဗဟိုဌာန (Community Centre)၊ ကလေးစာဖတ်ခန်းတွင် ကာယ၊ ဉာဏစွမ်းရည်ပြိုင်ပွဲများကို စက်တင်ဘာလ ၁၂ ရက် နံနက် ၁၀ နာရီက ကျင်းပပြုလုပ်ခဲ့ရာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တောင်ကြီးခရိုင်ဦးစီးမှူး ဦးနိုင်ဝင်းထွန်း က ပြိုင်ပွဲပြုလုပ်ရသည့်ရည်ရွယ်ချက်များနှင့် ပြိုင်ပွဲ စည်းမျဉ်းစည်းကမ်းများကိုရှင်းလင်းပြောကြားပြီး ဆေးရောင်ခြယ်၊ ဘောလုံးပစ်၊ ဝင်္ကပါ၊ ထိုင်ခုံလု၊ ခွက်ရွှေ့ခြေနင်း၊ စာအုပ်ရွက်ပြိုင်ပွဲများကို ကျင်းပပြုလုပ်ပေးခဲ့သည်။
